பழங்காலத்தில் நாம் செய்த சமையல்

பழங்காலத்தில் நாம் செய்த சமையல் முறைகள் தான் இப்ப ட்ரெண்டிங்கில் இருக்கு அதாவது ,50,60,70,80 ,90s காலங்களில் நம் முன்னோர்கள் நாம் செய்த சமையல் அதற்கு பயன்படுத்திய பாத்திரங்கள் இப்பதான் ட்ரெணட் ஆகுது. அதுல, கரண்டி ஆம்லெட்:  இது நான் சிறுவயதில் அதாவது 90 s ல விறகு அடுப்பு எரிஞ்சுகிட்டு இருக்கும் அதுல சோறோ குழம்போ வெந்துகிட்டு இருக்கும் அந்த நேரத்தில் பார்த்திங்கன்னா தேவையில்லாத பாத்திரங்கள் அதிகமா இருக்காது ஒரு எண்ணெய் சட்டி ஒரு குழம்பு சட்டி அப்படித்தான் இருக்கும் இப்ப கதையே வேற ஏழெட்டு எண்ணெய் சட்டி இப்ப வைச்சிருக்கோம் அப்ப இல்ல அந்த சமயத்துல விறகு அடுப்பு எரியும் போது அதுக்குள்ள கரண்டில கொஞ்சம் எண்ணெய் ஊத்தி அதுல முட்டைய கலக்கி அதுல ஊத்தி அவரசத்துக்கு போட்டு சாப்பிடுவோம் அப்படி கரண்டிய கரியாக்கி அது வீணாயுடுச்சுன்னு திட்டு வாங்கியிருக்கோம். அது அப்ப இருந்தே இருக்கு ஆனால் அது இப்ப புதுசா கண்டுபிடிச்ச மாதிரி டரெண்ட் ஆகிட்டு இருக்கு இது புதுசு இல்ல பழசுதான்னு இங்கே பதிவு பண்றேன். அடுத்து, தட்டு இட்லி இந்த இட்லி பார்த்திங்கன்னா அந்த காலத்துல எங்க அம்மாவோட அம்மா சமைக்கிற காலத்தில் இட்லி பானையெல்லாம் கிடையாதாம். அப்ப மண் சட்டியோ மண் பானையோ அதுல வாய்ப்பட்டில் வெள்ளைத்துணிய கட்டி அதுல இட்லி மாவை ஊத்தி ஒவ்வொன்னா எடுப்பாங்களாம். அதுதான் இப்ப தட்டு இட்லின்னு இப்ப பேமஸ் ஆகிட்டு புதுசா ட்ரெண்ட் ஆகுறது சந்தோஷம்தான் ஆனால் அது பழசுதான். அதே மாதிரிதான் இந்த கொட்டாங்கச்சி இட்லியும் அந்த காலத்தில் கொட்டாங்கச்சி பின்புறம் நல்லா சீவிட்டு ஆப்பையும் கிண்ணமாகவும் பயன்படுத்தினார்கள். இன்னும் கொஞ்சம் பின்னோக்கிப் போனால் கொட்டாங்கச்சியில்தான் டீயே குடித்திருக்கிறார்கள் அப்ப அதுவும் புதுசு அல்ல பழசுதான்  மூங்கில் பிரியாணி : அந்த காலத்தில் காட்டு வாசிகள் சுரை குடுவை, இந்த மாதிரி மூங்கில்கள் வைத்துதான் பாத்திரங்களாக பயன்படுத்தியிருக்கிறார்கள். ஆப்பிரிக்கா காடுகளில் வசிக்கும் இப்பவும் இந்த சுரை குடுக்கைை பயன்படுத்துகிறார்கள் தண்ணீர் அடைத்து வைப்பது, தேன் சேகரிப்பதுன்னு இந்த மாதிரி மரத்தால் ஆன மூங்கில்கள் நிறைய பயன்படுத்தப்பட்டிருக்கு..  அதையே ட்ரெண்ட் ஆக்கி விற்பனை ஜோரா நடந்துகிட்டு இருக்கு . இப்ப ட்ரெண்ட் ஆவதில் தவறில்லை ஆனால் பெரிய ஹோட்டல்களில் கொட்டாங்கச்சி இட்லி, மூங்கில் பிரியாணி, கரண்டி ஆம்லேட், தட்டு இட்லின்னு விலை அதிகம் வைத்து விற்பதுதான் தவறு. இயற்கை உணவு நல்லதுதான் விலைவாசிதான் அதிகமாக இருக்கிறது. பழசு திரும்ப வந்தாலும் அதில் பெரிசா காசு பார்க்கிற கூட்டம் இருக்கத்தான் செய்கிறது. அதைவிட கொடுமையான விஷயம் என்னான்னா எந்த பாத்திரத்தில் செய்றோமோ அந்த பாத்திரத்தின் பெயர் அந்த கறிக்கு முன்னாடி வந்துவிடுகிறது. மண்சட்டி மீன் குழம்பு, கல் தோசை, தவா பிரியாணி, பானை பிரியாணி, ஹா..ஹா... இப்படி ஒரு வியாபாரம்.. ஒன்னும் சொல்றதுகில்ல.. நான் ஏதாவது விட்டிருந்தால் நீங்க சொல்லிட்டு போங்க மக்களே...

திருப்பதி போனால் திருப்பமாமே

திருப்பதிக்கு யாரும் அவ்வளவு சீக்கிரம் போய்விட முடியாதுன்னு பொதுவா எல்லோரும் சொல்வாங்க. சரி நாம போவோமேன்னு ஒரு பிளான் போட்டேன் திருப்பதி போனால் அங்கிருந்து ஒரு கிலோ மீட்டர் காலஹஸ்தி அப்ப திருப்பதி போகலாம்னு கூப்பிட்டா ப்ரண்ஸ் வருவாங்க காலஹஸ்தி என்றால் யோசிப்பார்கள் அதனால் திருப்பதி போகலாம்னு ப்ரண்ஸ் கிட்ட சொன்னேன் அவங்களும் ஓகே சொல்லியாச்சு நாங்களும் கிளம்பிட்டோம். இரயிலில் பயணம் அதுவும் ஆந்திரா போறோம் அடுத்த மாநிலத்துக்கு போறோம் இதுவரை தமிழ்நாட்டை தாண்டியது இல்லை அதுல ஒரு சந்தோஷம். இரயிலில் ஒருவழியா இடம் பிடிச்சு உட்கார்ந்தாச்சு மகளிருக்குன்னு ஒதுக்கப்பட்ட கோச் நாங்க உட்காருவதற்கு வசதியா இருந்துச்சு.

திருப்பதி போய் இறங்கியாச்சு கீழேயே தங்கும் விடுதி இருந்துச்சு ஐடி புரூப் காமிச்சு ரூம் எடுத்தாச்சு அப்போ அங்கே என்ன சொன்னாங்கன்னா கேமரா,போன் மேல கொண்டு போகாதிங்க உள்ளே அலோவ்டு கிடையாதுன்னு சொல்லிட்டாங்க நாங்களும் ரூம்லேயே வைச்சுட்டு போய்ட்டோம் திருப்பதி போய் ஒரு போட்டோ கூட எடுக்கல ஆனால் இப்ப பாருங்க ரீல்ஸ் வரைக்கும் அங்கே எடுத்துப் போடுறாங்க அது எப்படின்னு தெரியல.. நாங்க போனது 2013 ல் அப்ப அப்படித்தான் ரூல்ஸ்.. மலையில் நல்ல தார்சாலை தான் பஸ் வேன் எல்லாமே போகுது மலை ஏறுவதற்கு நிறைய வசதிகள் இருந்துச்சு ஆனால் என்னால் ஏனோ மேல ஏறுவது ரொம்ப கஷ்டமா இருந்துச்சு சதுரகிரிக்கு போகுது எனக்கு அந்தளவுக்கு கஷ்டம் தெரியல கரடுமுரடான பாதை அதில் ஈசியா ஏழு மலை கடந்த எனக்கு இந்த திருப்பதி ஏழு மலையில் ஏற முடியல காரணம் தெரியல ஒரு வேளை நாம சிவ பக்தை என்று பெருமாளுக்கு தெரிஞ்சிடுச்சோ என்னவோ.. எனக்கு எந்த சந்தோஷமும் இல்லை மனசுக்குள்ள கஷ்டமா இருந்துச்சு காரணம் தான் புரியல பொதுவா கோவில்களுக்கு போனால் மனசு லேசாகும் ஆனால் திருப்பதி போன போது ரொம்ப கஷ்டமா இருந்துச்சு காரணம் புரியல சந்தோஷமே இல்லாம போறேன் என் கூட வந்தவர்கள் நல்லா ஜாலியா கோவிந்தா.. கோவிந்தா... ன்னு கோஷம் போட்டுக்கோண்டே முன்னேறி செல்கிறார்கள் என் வாயில் இருந்து ஒரு வார்த்தை கூட கோவிந்தான்னு வரல.. அங்கே ஒவ்வொரு அறையாக அடைத்து அடைத்து போட்டு திறந்துவிடுவார்கள் நம்முடைய பாவங்கள் போகும் என்பது ஐதீகம் நாங்களும் அவ்வாறே சென்றோம் ஆனால் அளவு கடந்த கூட்டம் 300 ரூபாய் டிக்கெட் எடுத்து சென்றோம் ஒருவழியா சாமிய பார்க்கிற நேரம் வந்துச்சு ஆரத்தி காட்டப்போற சமயத்தில் ஒரு போலீஸ் என்னை இழுத்து அந்த பக்கம் விட்டாங்க பாருங்க என்னால ஆரத்தி சரியா பார்க்க முடியல. ஆனால் என் கூட வந்தவங்க ஆரத்தி நல்லா பார்த்தாங்க ஆனால் எனக்கு.மலை ஏறவும் கஷ்டமா இருந்துச்சு அதே மாதிரி தரிசனமும் கிடைக்காமல் போச்சு.. அப்புறம் அடிச்சு புடிச்சு லட்டு வாங்கிட்டு சில படங்கள் வாங்கிட்டு கீழே இறங்கிட்டோம். ரூமிற்கு போகும் போது என் ப்ரண்ட்க்கு ஒரு போன் வந்துச்சு காலேஜ்ல இருந்து நாளைக்கு உடனே காலேஜ் வரணும் என்று.. நானோ காலஹஸ்தி போகனும்னு நினைச்சிட்டு இருக்கேன் அந்த நேரத்தில் இப்படி ஒரு போன் அந்தபுள்ள உடனே கிளம்பி ஆகனும்னு அழுவுது அப்புறம் அவசரமா கிளம்பிட்டோ காலஹஸ்தி போகல.. பஸ் பிடிக்க பஸ் ஸ்டாண்ட் வந்தா அங்கே ஏதோ கலவரம் வந்து பஸ் போகாதுன்னு சொல்லிட்டாங்க கடைசியா ஒரு பஸ் எடுத்துச்சு அந்த பஸ்ல ஏறி வேற ஒரு ஊர் போய் அதன் பிறகு அங்கிருந்து பஸ் பிடிச்சு ஊருக்கு வந்தோம்.. திருப்பதி போய் வந்தால் திருப்பம் என்று சொல்வார்கள் ஆனால் எனக்கு மொட்டையாச்சு பொருளாதார சிக்கல் கையில் காசு இல்லாத நிலைக்கு தள்ளப்பட்டேன் அதன் பிறகு நான் வாங்கி வந்த பெருமாள் படங்களை என் பூஜை அறையில் இருந்து அகற்றினேன் அடுத்ததா இனி எந்த பெருமாள் கோவிலுக்கும் போகவே கூடாதென்று முடிவெடுத்தேன் ஆனால் சனிக்கிழமை அசைவம் சாப்பிடுவதை தவிர்த்தேன் திருப்பதி போனால் சனிக்கிழமை அசைவம் சாப்பிடக்கூடாதுன்னு சொல்வாங்க அதை மட்டும் கடைப்பிடிக்கிறேன்.. இது என்னுடைய திருப்பதி அனுபவம் என்ன மாதிரி திருப்பதி போய் வந்து மொட்டையானவங்க யாராவது இருக்குறீங்களா? அதாவது எனக்கு சரியில்லை என் கூட வந்தவங்களுக்கு நல்லாதான் முன்னேற்றம் இருந்துச்சு.. நம்ம ராசிக்கு திருப்பதி ஒத்துவரல அவ்வளவுதான்.

தேங்காய் உருண்டை மிட்டாய்

90s கிட்ஸ்க்கு தேங்காய் மிட்டாய் தெரியாமல் இருக்க வாய்ப்பே இல்லை. சிறிய உருண்டையில் இருந்து பெரிய உருண்டை வரை கடைகளில் விற்பனை செய்வார்கள்.. தேங்காய் பர்ப்பி தட்டையாக இருக்கும் அது அச்சில் வடிவமைக்கப்பட்டது. சாதாரண தேங்காய் மிட்டாய் இல்லங்க சத்தானதும் கூட அந்த டைம்ல நாம சாப்பிட்டது எல்லாமே சத்தானதுதான்.. வறுத்த நிலக்கடலை, பட்டாணி, எள்ளுருண்டை, கடலைமிட்டாய் இந்த மாதிரி புரோட்டின் நிறைந்த உணவுகள் குழந்தைகளின் சிநாக்ஸ் பட்டியலில் இருந்தது இப்போது அப்படி இல்லையே... 

எனக்கு இந்த தேங்காய் மிட்டாய் எப்பவும் ஸ்பெஷல்தான் சின்னதில் இருந்து பெரிசு வரை வாங்கி டப்பாவில் அடைத்து வைத்துவிடுவேன் அதை ஒவ்வொன்றாக எடுத்து சாப்பிடுவது வழக்கம் ஏன் பிடிக்குது எதுக்கு பிடிக்குதுன்னு காரணம் கேட்டால் தெரியாது ஆனால் பிடிக்கும். இப்ப தேங்காய் மி்ட்டாய் எத்தனை பேர் சாப்பிடுவாங்கன்னு நினைக்கிறீங்க ரொம்ப குறைவான குழந்தைகள்தான் சாப்பிடுவார்கள்.. 

இந்த மாதிரி சத்தான தின்பண்டங்கள் இப்போது யாரும் சாப்பிடுவதில்லை. நூடுல்ஸ், சாக்லெட், பிஸ்கட், பர்க்கர் என மாறிவிட்டார்கள்...இப்ப இருக்கிற குழந்தைகள் யாராவது அவிச்ச சோளம் சாப்பிடுறாங்களா பாருங்க அந்த சோளத்தில் எத்தனை சத்துக்கள் இருக்கிறது அதை கூட குழந்தைகள் விரும்பி சாப்பிடுவதில்லை. பெற்றோர்கள் தயவுசெய்து சத்தான தின்பண்டங்களை உங்கள் குழந்தைகளுக்கு கொடுத்து பழக்குங்கள்...அதுதான் ஆரோக்கியம்.

பராசக்தி மாரியம்மன் கோவில்

துவரங்குறிச்சி அருள்மிகு பராசக்தி மாரியம்மன் கோவில் இங்குள்ள அம்மன் மிகவும் சக்தி வாய்ந்த அம்மன். வரும் பக்தர்களுக்கு வேண்டிய வரங்களை உடனே தருகின்ற அம்மன். குழந்தை பாக்கியம் இல்லாதவருக்கு குழந்தை பாக்கியம் தருகிறாள். உடல்நிலை சரியில்லாதவர்களுக்கு உடனே குணமாகின்ற சக்தியை கொடுக்கிறாள். உங்களுடைய வேண்டுதல் என்னவோ அதை உடனே பூர்த்தி செய்கின்ற ஒரு அம்மன் என்றால் அது பராசக்தி மாரியம்மன் தான். குழந்தை பாக்கியம் வேண்டுவோருக்கு இங்கே வந்து வேண்டி சென்றால் கண்டிப்பாக குழந்தை பாக்கியம் கிடைத்தே தீரும் உறுதியாக நம்பலாம். சித்திரை மாதங்களில் 18 நாள் திருவிழா நடை பெறுகிறது. ஞாயிறு காவடி அன்று மாலை தீமிதியல் திங்கள் தேர் திருவிழா வெகு சிறப்பாக நடைபெறும், செவ்வாய் தெப்பம், புதன் பல்லக்கு, ஒவ்வொரு நாள் மண்டகபடி அன்றும் கலைநிகழ்ச்சிகள் நடைபெறும் பெரும் திரளான மக்கள் கூடுகின்ற ஒரு திருவிழா என்றால் அது பராசக்தி மாரியம்மன் கோவில் திருவிழா என்று சொல்லலாம். இந்த கோவில் திறக்கும் நேரம்: காலை 9 மணி மாலை 5 மணிக்கு மேல்.. இந்த கோவிலுக்கு செல்லும் வழித்தடம்: பட்டுக்கோட்டையில் இருந்து 7 கிமீ மாரியம்மன் கோவில் பஸ் நிறுத்தம் உள்ளது. சாலை ஓரத்திலேயே கோவில் அமைந்துள்ளது.

தஞ்சை பெரிய கோவில்

சமீபத்தில் தஞ்சை பெரியகோவில் போயிருந்தேன் நீண்ட இடைவெளிக்குப் பிறகு சென்றிருந்தேன்.. எனக்கு தஞ்சை பெரிய கோவிலில் ஒரு வைப்ரேசன் உண்டு. பிரதோஷ நாளில் செல்வேன் அதை சார்ந்த அனுபவம் வார்த்தைகளால் சொல்ல முடியாது மறக்கவும் முடியாது அந்தளவுக்கு சில அனுபவங்கள் உண்டு.

நான் போன நேரம் நடை சாத்தப்பட்டிருந்தது கோவிலை சுற்றி கூட்டம் எப்போதும் இருந்துகொண்டே இருக்கு அது இந்த கோவிலின் தனி சிறப்பு சில கோவிலில் நடை சாத்திவிட்டால் கூட்டம் இருக்காது ஆனால் இங்கே அப்படியில்லை நடை சாத்தப்பட்டாலும் கூட்டம் இருந்துகொண்டே இருக்கும் மன்னர் அரண்மனை போன்று.. சுற்றி சுற்றி வளைத்து வளைத்து போட்டு எடுத்தார்கள். எனக்கு கொஞ்சம் உடல்நிலை சரியில்லாத காரணத்தால் ஓரிடத்தில் அமர்ந்து சிவபுராணம் படித்தேன் என் கண்களில் இருந்து கண்ணீர் கசிந்து வழிந்தது. உடல்நிலைக்குறவு காரணமா அல்லது இவ்வளவு தூரம் வந்து இறைவனை காண முடியவில்லையே என்ற வருத்தமா தெரியவில்லை.. அதன் பிறகு கோவிலைச் சுற்றி வந்தேன் கருவூரார் சன்னதியில் கொஞ்ச நேரம் அமர்ந்தேன் அதன் பிறகு சில புகைப்படங்கள் எடுத்துக்கொண்டு அங்கிருந்து கிளம்பிவிட்டேன்..

மாமன்னன் இராஜராஜன் கட்டிய கோவில் இன்று கம்பீரமாக காட்சியப்பது அந்த மன்னனே வான் உயர கம்பீரமாக நிற்பது போன்றே தோன்றுகிறது. தான் இறந்த பின்னும் அவன் புகழ் பரவி வருவதற்கு இதுவே சாட்சி.. மெய்சிலிர்க்கிறது அவரது ஆட்சியும் மெய்கீர்த்தியும்.. தஞ்சை பெரிய கோவில் பல்லாண்டு வாழ்கவே....

சம்பா நண்டு எப்படி இருக்கும்

 

 எத்தனை பேருக்கு இந்த நண்டு பிடிக்கும்..? இதன் சுவையை அடிச்சுக்கவே முடியாது அப்படி இருக்கும் எழுத்துக்களால் வடிக்கவே முடியாதே அந்தளவுக்கு இருக்கும்.. இதன் கால்கள்தான் ஹைலைட் இரண்டு கால்களும் நம் கை பெரிதில் இருக்கும் கால்களுக்கு தான் காசு.. வீட்டில் நண்டு சமைத்தால் இந்த கால் வேண்டும் என்று அடம் பிடித்து அழுதவர்கள் ஏராளம் 90s கிட்ஸ்க்கு இந்த அனுபவம் நிறைய இருக்கும்.. சிக்கனில் இப்பதான் லாலிப் பப்புன்னு கண்டு பிடிச்சு சாப்பிடாறாங்க ஆனால் நாங்க அப்பவே நண்டு காலில் லாலி பப்புன்னு சாப்பிட்டவங்க.

.

இந்த நண்டின் நெறி கூடுதலான சதைப்பற்றோடு இருக்கும்.. சாப்பிடும் போது ஒருவிதமான இனிப்போடு இருப்பது போல் இருக்கும் அதை சாப்பிட்டவங்களுக்கு கண்டிப்பா தெரியும்.. அதாவது கடல் நண்டை விட இதுவும் கடல் நண்டு மாதிரிதான் இது கடற்கரையில் வளரக்கூடியது... கடித்தால் கையே துண்டாகும் அந்தளவுக்கு பயங்கரம் ஆனால் அதன் சுவையோ அதைவிட பயங்கரமா இருக்கும்...

அந்த காலை கடித்து சாப்பிடுவது ரொம்ப கஷ்டம் அறுவா கொண்டு உடைத்து சாப்பிடுவோம் அந்தளவுக்கு கெட்டி ஒரு பத்து வருசத்திற்கு முன் ஒரு நண்டு 50, ,100 க்கு வாங்கினோம் இப்ப ஒரு நண்டு 1000 க்கும் மேல விலை போகுது.. இப்ப இந்த நண்டு கிடைப்பது அரிது எல்லாவற்றையும் வெளிநாடுகளுக்கு ஏற்றுமதி செய்கிறார்கள்.... அதனால் நமக்கு கிடைப்பதில்லை அதோடு விலை நம்மை கிட்ட நெருங்க விடுவதில்லை... முத்துப்பேட்டை தம்பிக்கோட்டை அருகே உள்ள சுந்தரம் நசுவிணி ஆற்றிலும், ராஜாமடம் நசுவிணி ஆற்றிலும் இந்த நண்டுகள் மணலில் பதுங்கி கிடக்குமாம்... ஈசியா பிடித்து வருவார்களாம் எங்க மாமா அடிக்கடி சொல்வார்..

ஒரு நேரத்தில் ஈசியா கிடைத்த உணவுகள் இப்ப அதிக விலைக்கு விற்பதால் வாங்கி சமைப்பதற்கு முடிவதில்லை... யாரெல்லாம் இந்த நண்டு சாப்பிட்டு இருக்குறீங்க யாருக்கெல்லாம் பிடிக்கும்..? யாரெல்லாம் விலையின் காரணமாக சாப்பிடாமல் இருக்குறீங்க என்பதையும் சொல்லுங்க... கடல் உயிரனங்களில் அதிக சத்து உடையது நண்டு, இறால்,  திருக்கை, மத்தி, சூரை இவைகள் தான்... 

சுகிசிவம் அவர்கள் சொன்ன ஜோக்

ஒரு குட்டியான நகைச்சுவை கதை எப்பவோ கேட்டது சுகிசிவம் அவர்கள் சொன்னது. 

நீண்ட நாட்களுக்கு பிறகு இரண்டு நண்பர்கள் சந்தித்து கொண்டார்களாம், அந்த 

நண்பரை வரவேற்க வாசலிலே காத்திருந்து வந்தவுடன் கட்டித்தழுவி வீட்டுக்குள் 

அழைத்து போகும் போது அவரோட மகன் ஓடியாடி விளையாடி கொண்டு இருந்தானாம் வந்த 

நண்பரை அவனை பார்த்துவிட்டு சொன்னாராம் "அடடே... உம்பையனா? குண்டா 

கொழுகொழுன்னு  நல்லா இருக்கானே..." என்று சொல்லி வாய் மூடவில்லையாம் ஓடி 

வந்த பையன் 

கீழே விழுந்து கையை ஒடித்துக்கொண்டானாம் அப்பவே அவருக்கு மனதில் 

சுருக்கென்று தைத்ததாம் என்னடா இவன் சொன்னதும் இப்படி ஆச்சே என்று. 

அதன் பிறகு அந்த நண்பரை அழைத்து டைனிங் டேபில் அமர வைத்து வகை வகையாய் 

இலையில் சாப்பாடு, கூட்டு, பொறியல், பாயசாம், சுவிட், பழங்கள் என நிறைய 

வைத்து சாப்பிட சொன்னார்களாம் 

உடனே வந்த நண்பர் சொன்னாராம் "அடடே... சாப்பாடெல்லாம் அமர்க்களமா 

இருக்கே... தினமும் ஒரு நேரத்திற்கு இவ்வளவுமா சாப்பிடுறீங்க..?" 

என்றாராம். உடனே இவர் என்னாகுமோ தெரியலேயேன்னு நினைக்கும் போதே அங்கே 

வைத்திருந்த ஜக்கில் கை பட்டு சாப்பாட்டில் தண்ணீர் கொட்டிவிட்டதாம்.

அவருக்கு அப்போதே புரிந்து விட்டது இவர் இந்த மாதிரி எதிர்மறையான விஷயங்கள்

 சொன்னால் உடனே நடந்து விடுகிறதே என்று நினைத்தவர் இவரை வைத்து ஒரு நல்ல 

விஷயம் செய்வோம் நம்ம வயலில் நிறைய களை இருக்கிறது அதைப் பார்த்து எவ்வளவு 

களை இருக்கிறது என்று சொன்னால் களை மொத்தமும் அழிந்துவிடும் நமக்கும் களை 

எடுக்கிற கூலி மிச்சம் என்று நினைத்தப்படி 

சாப்பிட்டு முடிந்ததும் தன்னோட வயலுக்கு அழைத்து சென்றார். 

இந்த வயலைப் பாருங்க உங்களுக்கு என்ன தோணுது என்றார். வந்த நண்பர் உடனே 

சொன்னார் "இவ்வளவு களையிலும் இந்த பயிர் எப்படி செழிப்பா வளர்த்திருக்கு 

பாருங்க..." என்றாராம். 

அழைத்து வந்தவருக்கு பகிர் என்றதாம் அப்புறம் என்ன அந்த பயிர் விளங்கவா 

போகுது சர்வ நாசம் தான். இப்படியான நண்பர்கள் நம்மிடையும் இருக்கிறார்கள் 

இவர்களை கண்டால் நாம் விளகிதான் இருக்க வேண்டும். நண்பனுக்கு கஷ்டம் 

வந்தால் ஆறுதல் சொல்ல வேண்டும் அதற்காக இவ்வளவு கஷ்டத்திலும் நோய் நொடி 

இல்லாம நல்லா இருக்குறீயேன்னு சொன்னா எப்படி இருக்கும்.   

கல்லடி பட்டாலும் கண்ணடி படகூடாது என்று சும்மாவா சொன்னார்கள்.

- வீ. சந்திரா துவரங்குறிச்சி

மீனாட்சி சுந்தரேஷர் ஆலயம் துவரங்குறிச்சி

தஞ்சை மாவட்டம் பட்டுக்கோட்டை வட்டம் இராம சமுத்திரம் என்று அழைக்கப்படும் துவரங்குறிச்சி கிராமத்தில் அமைந்துள்ள சிறப்பு வாய்ந்த அருள்மிகு மீனாட்சி சுந்தரேஷர் ஆலயம் அமைந்துள்ளது. பசுமை நிறைந்த இடத்தில் செந்தாமரை குளக்கரையில் அமைந்திருக்கிறார் எம்பெருமான் ஈசன். இந்த கோவிலில் பிரதோஷம், சிவராத்திரி போன்ற பூஜைகள் தவறாமல் நடந்து வருகிறது. சங்கரர் இந்த குளத்தில் தாமரை மலர்களை பறித்து சிவனுக்கு பூஜை செய்ததாக வரலாறு சொல்கிறது. 

இந்த கோவில் பழுதடைந்த கிடந்த நிலையில் 2025 ம் ஆண்டு புதுப்பிக்கப்பட்டு கும்பாபிஷேகமும் செய்யப்பட்டது. ஒரு வருட பூர்த்தியும் நிறைவு பெற்றது இந்த கோவில் பட்டுக்கோட்டையில் இருந்து 7 கி.மீ தொலைவில் உள்ளது. துவரங்குறிச்சி செக்கடி பஸ் ஸ்டாப்பில் இறங்கி இடது புறமாக கோவிலுக்கு செல்லும் வழி உள்ளது. 

இந்த கோவிலுக்கு அனைவரும் வருக இறை ஆசி பெருக.. 

வீ. சந்திரா , துவரங்குறிச்சி