ஞாயிற்றுக்கிழமையும் மீன் குழம்பும்

 வாரத்துல ஒரு ஞாயிற்றுக்கிழமையில் மீன் குழம்பு வைக்கும் சம்பவம் இருக்கே...

"ஸ்ரீ... என்ன மீனு வாங்கிட்டு வந்தே.." லெட்சுமி அம்மா.

"ம்... கெண்டை மீன் தான் இருந்துச்சு உயிர் மீன் .."

"குளத்துக்கெண்டையா? வளர்ப்பு கெண்டையா? "

"குளத்துக்கெண்டை தான் நான் பார்த்துதான் வாங்கிட்டு வந்திருக்கேன்"

"ஆமா... வளர்ப்பு கெண்டையாதான் இருக்கும் உன்னைய ஏமாத்தி இருப்பாய்ங்க.."

"நானே பார்த்தேன்னு சொல்றேன் இல்ல குளத்துக்கெண்டைதான் வளர்ப்பு மீனுன்னா வயித்து பகுதி ஒரேதா கசக்கும் திண்ணு பார்த்துட்டு சொல்லு.."

ஸ்ரீ கடகடன்னு வெங்காயம், தக்காளி, பச்சைமிளகாய், கொஞ்சம் உரித்து பொடியா நறுக்கி தட்டில் வைத்துவிட்டு கொஞ்சம் கறிவேப்பிலையை உருவி தண்ணியில் அலசிவிட்டு அதையும் தட்டில் வைத்தாள். ஒரு எலுமிச்சை அளவு புளியை எடுத்து ஒரு சட்டியில் தண்ணியில் ஊற வைத்தாள். பிறகு அடுப்பை பற்ற வைத்து சட்டியை அடுப்பில் வைத்து சூடானதும் எண்ணெய் ஊற்றி காய்ந்ததும் கொஞ்சம் வெந்தயம், கொஞ்சம் சீரகம், சேர்த்து வதக்கிட்டு அப்படியே வெங்காயத்தை பொன்னிறமா வதங்கியதும் தக்காளி பச்சை மிளகாய் போட்டு நல்லா வதங்கியதும் சிறிது மஞ்சள் தூள், கொஞ்சம் மசலா போட்டு அதையும் லேசா வதக்கினால்... வதங்கியதும் அதில் கரைச்சு வைச்ச புளிகரைசலை ஊற்றி கொஞ்சம் உப்பையும் சேர்த்து கொதிக்கவிட்டு சிறிது நேரத்துக்குப் பிறகு சுத்தம் பண்ணி வைச்சிருக்கிற மீனை போட்டு அதோட நறுக்கி வைச்சிருக்கிற மாங்காயை போட்டு இறக்கினாள் ஸ்ரீ.. 

"வாம்மா... சாப்பிடுவோம் அழைத்தாள் ஸ்ரீ"

"பசிக்கல கொஞ்சமா போடு என்றார் லெட்சுமி அம்மா"

ஸ்ரீ தட்டில் கொஞ்சம் சோறும் சில மீன் துண்டுகளையும் போட்டு தட்டை நகர்த்தி வைத்தாள். 

"லெட்சுமி அம்மா சாப்பிட்டுக்கொண்டே "என்ன இந்த மீன்ல இவ்வளவு முள் இருக்கு..."

"கெண்டை மீன்ல இப்படித்தான் முள் இருக்கும்னு உனக்குத் தெரியாதா? மூஞ்சை சுழித்தபடி ஸ்ரீ.

"இருக்கும் தான் ஆனா இந்தளவுக்கு முள் இருந்து பார்த்தது இல்ல" 

"ஏம்மா.. எப்பவும் ஏதாவது சொல்லிகிட்டே இருக்குறீயே ஏன்...? கோபம் தலைக்கேறியது ஸ்ரீ க்கு.

"ஏன்டி இப்ப நான் என்ன சொல்லிட்டேன் இப்படி எரிஞ்சு விழுறே..." பதிலுக்கு லெட்சுமி அம்மாளும் கத்த தொடங்கினார்.

"ஆமா நீ டெய்லி இப்படிதான் ஏதாவது குறை சொல்லாம சாப்பிட்டு இருக்கியா? உப்பு இல்லங்கிற, சில நேரம் உரப்பு இல்லங்கிற எல்லாம் சரியா இருந்தால் மீனு நல்லா இல்லங்கிற எல்லாமே நல்லா இருந்தா மீனு அலச பத்தலன்னு சொல்றே..  எல்லாரும் நம்ம வீட்டுல வந்து சாப்பிட்டு நல்லா இருக்குன்னு பாராட்டதான் செய்றாங்க ஆனால் நீ மட்டும் தான் ஏதாவது சொல்லிகிட்டே இருக்கே ச்சை... "

"அம்மா தாயே... என்னை வுட்டுரு மீனு முள்ளா இருக்குன்னு நான் ஒரு வார்த்தைதான் சொன்னேன் அதுக்கு இப்படி கரண்டு மாதிரி புடிச்சுகிட்டே இனிமே நான் ஏதாவது சொன்னா கேளு" 

"ஆமா... இதையேதான் ஒவ்வொரு தடவையும் சொல்லுறே இவ்வளவு பேசுறீயே உனக்கு நல்லா சமைக்கத் தெரியுமா? "

"நான் சமைச்சா தான் உனக்குல் பிடிக்காதே அப்புறம் எங்க செய்யுறது.." கழுத்தை வெடுக்கென்று திரும்பினார்.தட்டில் இருந்த சோறு காலியா இருந்தது.

" மறு சோறு வேணுமா" கேட்டாள் ஸ்ரீ

"எனக்கு வேண்டாம் இதுவே போதும் னு கடுப்போடு தட்டை கழுவ எடுத்துச் சென்றார் லெட்சுமி அம்மா.

இந்த மீன் குழம்பு வைச்சு சாப்பிடுறதுக்குள்ள ஒரு போர்களமே நடந்து முடிஞ்சிடுத்து..

"ஏங்க .. வாங்க மீன் குழம்பு சாப்பிடலாம் அட என்ன படிச்சுகிட்டே முழுங்கிறீங்க உங்களைத்தான் கூப்பிடுறேன் சாப்பிட்டு பார்த்து டேஸ்ட் எப்படின்னு சொல்லுங்க... அட உங்களை எல்லாம் திட்ட மாட்டேன் வாங்க... 😂 😂 😂 

சளி இருமலுக்கு சிறந்த மருந்து

நாள் பட்ட சளி இருமலுக்கு சிறந்த மருந்து வெற்றிலை கசாயம் கீழே இருக்கும் லிங்கை க்ளிக் செய்து செய்முறை தெரிந்து கொள்ளுங்கள்..

காற்றின் மொழி

        வணக்கம்...நேயர்களே இப்போது நீங்கள் கேட்டுக்கொண்டு இருப்பது நேயர் விருப்பம்.. நேரம் இப்போது சரியா காலை 9 மணி 55 நிமிடம் ஆகிறது. நிகழ்ச்சியின் நிறைவு பகுதிக்கு வந்துவிட்டோம் இப்போது லைன்னில் ஒரு நேயர் காத்திருக்கிறார்... "வணக்கம் .. வணக்கம் .. லைன்ல இருக்குறீங்க பேசுங்க...  யார் எங்கிருந்து பேசுறீங்க..?"

"வணக்கம் ... வணக்கம்... அக்கா..  மருதமுனையில் இருந்து நிஷாந்தன் கந்தையா கதைக்கிறன் ரொம்ப நாளா ட்ரைப் பண்ணிட்டு இருந்தனான் லைன் கிடக்கல இன்றைக்குத்தான்  கிடைச்சிருக்கு ரொம்ப சந்தோஷம் அக்கா  உங்கட வாஸ் என்றால்  எனக்கு ரொம்ப இஷ்டம் அக்கா உங்க நீண்ட கால ரசிகன் அக்கா.. "

"அப்படியா... ரொம்ப சந்தோஷம் நிஷாந்தன் சரி சொல்லுங்க உங்களுக்கு என்ன பாட்டு வேணும்..?" என்றாள் சரித்தபடி

"அக்கா... வசீகரா படத்துல இருந்து பூப்போல தீ போல மான் போல மழைப் போல வந்தாள்
சாங் தருவிங்களா?"

"சரி நிஷாந்தன் யார் யாருகெல்லாம் பாடல் வேண்டும்..."

 "எனக்காகவும் எங்கட குடும்பத்தார் நண்பர்கள்,ரேடியோ கேட்டுக்கொண்டிருக்கும் அனைவருக்கும் கேட்போம் அக்கா உங்க கூட கதைச்சதில் ரொம்ப சந்தோஷம்  அக்கா..நன்றி" எனக்கூறியபடி தொடர்பு துண்டிக்கப்பட்டது.

"நிஷாந்தன் நீங்க கேட்டப் பாட்டு இதோ வந்துட்டு இருக்கு இப்போது நான் விடை பெறும் நேரமும் வந்திடுச்சு உங்களிடம் இருந்து விடைப் பெற்றுக்கொள்ளும் நான் கெளரி வணக்கம் நேயர்களே... என்று கூறியபடி ஒலிநாடாவை சுழலவிட்டு ஸ்டியோவை விட்டு வெளியே வந்தாள் கெளரி..

ஓவியங்கள் பேசும்

ஜுரம் , தலைவலி, உடம்பு வலிக்கு சிறந்த மருந்து

ஜுரம், தலைவலி, உடம்பு கை கால் மூட்டு வலிக்கு சிறந்த  பெருமருத்து ரசம்....

தேவையான பொருட்கள் :

கண்டதுப்பிலி - சிறிது
சதகுப்பை - சிறிது
அரத்தை - சிறிது
சீரகம் - சிறிது
மிளகு - சிறிது
முழு பூண்டு - 1
தக்காளி -  2
பச்சைமிளகாய் - 4
மஞ்சள் - சிறிது
பெருங்காயம் - சிறிது
உப்பு - தேசையான அளவு
புளி - சிறிது

(இதோடு மொழிக்கிழங்கு வேரையும் சேர்த்து இருக்கேன் அது கிடைக்காதவர்கள் மற்றவற்றை சேர்த்துக்கொள்ளலாம்)

வாழ்க்கையின் தத்துவம்

இட்லியை சாப்பிடும் போது...

ஒருவர் :      "இந்த இட்லிய கொஞ்சம் சின்னதா ஊத்தி இருந்தால் 2 இட்லி கூட சாப்பிடலாம் இவ்வளவு பெரிசாவா ஊத்துறது... "

மற்றொருவர் : "இட்லிய இன்னும் கொஞ்சம் பெரிசா ஊத்தி இருக்கலாம் 2 சாப்பிட்டாலும் கம்முன்னு இருக்கும்... "

காலனை வென்ற கலைஞர் மற்றுமொரு மார்க்கண்டேயன்

இப்போது வருகின்ற பதிவுகள் பார்க்கும் போது கலைஞரை திட்டித்தான் வருகிறது. என்ன காரணம் சொல்லி திட்டுகிறார்கள் தெரியுமா? அவருக்கு மூன்று மனைவிகள், ஊருக்கு ஒரு பொண்டாட்டி, 2g ஊழல், இலங்கை தமிழர் பிரச்சினை இந்த மூன்றுதான் அவருடைய பெருங்குற்றமாக கருதப்படுகிறது.

மூன்று மனைவிகள் :

இவருக்கு மூன்று மனைவிகள் தவறதுதான் ஒருத்தனுக்கு ஒருத்தி என்ற கொள்கையோடு வாழாமல் மூன்று மனைவிகளை திருமணம் செய்தது தவறுதான். ஆனால் இன்று எத்தனை ஆண்கள் ஒரு மனைவியோடு மட்டும் வாழ்கிறார்கள் பிற பெண்களை அக்காவாகவும், தங்கையாகவும் எத்தனை ஜென்மங்கள் பார்க்கின்றார்கள்? அப்படி நினைத்திருந்தால் ஊருக்குள் ஏன் பாலியல் குற்றங்கள் நடக்குது?

சிகப்பி

காலை மணி 9 ஆடி வெள்ளி என்பதால் நான் சாமி படங்களை துடைத்துக்கொண்டு இருந்தேன் வெளியே ஏதோ சத்தம் கேட்டது படங்களை அப்படியே போட்டுவிட்டு வெளியே ஓடிபோய் பார்த்தால். சிகப்பி பாதி தென்னை மரம் உயரத்திற்கு பறந்து போய்கொண்டு இருந்தாள். ஆஹா குஞ்சை பருந்து தூக்கிவிட்டதா என்று என் கண்கள் அங்குமிங்கும் தேடியது ஆனால் ஒன்றும் என் கண்ணில் சிக்கவில்லை.. சிறிது நேரத்தில் கலவரமுகத்துடன் சத்தம் போட்டுக்கொண்டே வந்தாள் சிகப்பி. சிகப்பி நான் வளர்க்கும் கோழி, அவள் நாலு குஞ்சுகளுக்கு தாய் ஏழு குஞ்சுகளை பொரித்தாள் மூன்று இறந்து போனது. தற்போது நாலு குஞ்சுகளை கண்ணும் கருத்துமாக வளர்த்து வருகிறாள். அவள் பெரும் கோவக்காரி முட்டை அடை வைக்கும் வரை என்னை சுத்தி வருவாள் அடைகாத்து குஞ்சு பொரித்துவிட்டால் பத்திரகாளியாக மாறி கொத்தி விடுவாள் வளர்க்கும் என்னையே அவள் விட்டு வைப்பத்தில் என்றால் கூட வளரும் கோழி, நாய்களை சும்மா விடுவாளா ராட்ஷியாக பிடிங்கி எடுத்துவிடுவாள்.

ஆயுதம் ஏந்துவோம்

பெண்கள் இரவில் தனியாக செல்ல வேண்டாம்

முகநூலில் புகைப்படம் வைக்க வேண்டாம்

தெரியாத ஆண்களோடு பேச வேண்டாம்

உங்களுடைய சுய விவரங்களை தெரியாத நபர்களோடு பகிர்ந்து கொள்ள வேண்டாம்

வெளியில் செல்லும் போது நகைகள் அணிய வேண்டாம்

யார் தமிழன்?

          இன்றை சூழ்நிலையில் ஒரு மனிதன் வித்தியாசமா ஒரு விஷயம் செய்தால் அவன் இன்று ஹீரோ ஆனால் சில வருடங்களுக்கு முன்பு சினிமாவில் யார் நடிக்கிறார்களோ அவர்கள் தான் ஹீரோ... அந்த காலக்கட்டம் மாறிவிட்டது. சினிமாவில் நடித்தால் நிறைய பணம் சம்பாதிக்கலாம் அதை வைத்து நிறைய உதவிகள் செய்யலாம். ஆனால் அந்தளவுக்கு யாருக்கும் மனசு இருப்பதில்லை. சில பேர் கொஞ்சம் வசதி இருந்தாலே இல்லாதவங்களுக்கு படிப்போ சாப்பாட்டிற்கோ கஷ்படுறவங்களுக்கு உதவி செய்ய முன் வருகிறார்கள் ஆனால் பணத்தை கட்டி வைத்திருப்பவர்களுக்கு அந்தளவுக்கு மனசில்ல அதனால்தான் சிலர் மீது நமக்கு மிகுந்த கோபம் வருகிறது ஆத்திரம் வருகிறது அவரோடும் இவரோடும் ஒப்பிட்டும் பேசுறோம் திட்டுறோம் இது எல்லாரையும் நாம் சொல்வதில்லை ஒரு சில பிரபலமானவர்களைதான் இதற்கு காரணம் இருக்கிறது. சில கேட்கிறார்கள் அவன் கஷ்டப்பட்டு சம்பாதிச்சான் அவன் ஏன் மக்களுக்கு கொடுக்கணும்னு கேட்கிறான் நல்ல கேள்விதான் அதே நேரத்தில் அவனைவிட வசதியில் குறைந்தவன் மக்களுக்கு செய்கிறானே அவன் என்ன இளிச்சவாயனா? நமக்கு கேட்கத்தோணுவதில் தவறு இல்லையே..?

செல்லாத்தா செல்ல மாரியாத்தா பாடல்

இனிமையான எல். ஆர். ஈஸ்வரி பாடல் கேட்க வேண்டுமா கீழே உள்ள இணைப்பை சொடுக்கவும்

வளையோசை கலகலகலவென பாடல்

வளையோசை கலகலகலவென இந்த பாடல் கேட்க வேண்டுமா கீழே உள்ள இணைப்பை சொடுக்கவும்.

காவிரி மேலாண்மை வாரியமும் மவுன விரதமும்

ஒரு ப்ளாட் பாராத்தில தள்ளு வண்டியில சாப்பாட்டுக்கடை வைச்சிருக்கிறவன் சாப்பிடலாம்னு உட்கார்ந்தா பசிக்கு சாப்பிட சாப்பாடு இருக்காது கடைசி பருக்கையை கூட காசாக்க நினைச்சு கொடுத்திருவான். ஆறு மாசம் இரவு பகலா கஷ்டப்பட்டு நிலத்தை உழுது உரம் போட்டு மண்ணை பதப்படுத்தி விதையிட்டு பயிராக்கி அதை பிரிச்சு வேற இடத்தில நட்டு காத்திருந்தா அது வளர தண்ணி இருக்காது ஆத்துல தண்ணி வரும்னு காத்திருந்தா அது வராது அப்புறம் கடனை உடனை வாங்கி போர் போட்டு தண்ணி பாச்சி கதிர் அறுத்து வீட்டுக்கு கூட கொண்டு வராம களத்து மேட்டுலேயே விலை பேசி வித்துட்டு அந்த விவசாயி களைச்சி போயி ரேஷன் கடையில் புழுத்த அரிசியில் பழைய கஞ்சி குடிக்கிறவன் விவசாயி.